Pas skandalit për shpenzimet për karburante, deputetët e Vetëvendosjes janë tërhequr nga luksi që shfrytëzonin me taksat e qytetarëve të Kosovës.

Këtë e ka bërë të ditur deputetja e kësaj partie, Fitore Pacolli e cila ka thënë se deputetët e partisë së saj po tërhiqen vullnetarisht nga kompensimet e shpenzimeve të udhëtimit, shkruan Insajderi.

Madje, Pacolli ju ka bërë thirrje edhe deputetët tjerë të aplikojnë të njëjtin standard.

“Deputetët e Lëvizjes Vetëvendosje, si shumicë parlamentare, vullnetarisht do të tërhiqen nga kompenzimi i shpenzimeve të udhëtimit dhe njëkohësisht thërrasin edhe deputetët tjerë të aplikojnë të njejtin standard. Gjithashtu, do të kërkojmë nga Kryesia e Kuvendit, rishikimin e vendimit për kompenzimin e deputetëve.  Llogaridhënie dhe përgjegjësi ndaj qytetarëve të Republikës”, ka shkruar Pacolli./Insajderi.org