Në premierën e Taycan janë prezantuar dy versionet e fuqishme – Turbo dhe Turbo S, derisa varianti bazik do të debutojë kah fundi 2019.

Taycan Turbo përshpejton nga 0-96 km/orë për 3 sekonda dhe Turbo S për 2.6 sekonda, transmeton KosovaPress.

Bateritë litium-jonike 93.5 kWh përdoren për të ruajtur energjinë elektrike. Prodhuesi pretendon se kapaciteti deri në 80% mund të plotësohet në një karikues të shpejtë 270 kW në 22.5 minuta, të cilat sigurojnë 96 km shtesë vetëm në rrymë.

Nëse përdoret një karikues DC 150 kW, 80 për qind e baterisë do të ngarkohen në 36 minuta, dhe do të duhen 11 orë për t’u ngarkuar plotësisht në një prizë të rregullt të murit.

Përndryshe, në një bateri të plotë Porsche Taycan Turbo mund të udhëtojë një maksimum prej 450 km (sipas standardit WLTP) dhe Turbo S 412 km.

Prodhuesi gjerman tha gjithashtu se Taycan Turbo do të kushtojë 153,310 dollarë dhe Turbo S 187.610 dollarë.