FIFA vendosi sot që ta gjobisë Federatën Serbe të Futbollit me 80 mijë franga (85,496 euro) zvicerane dhe ta dënojë me reduktim prej 20 për qindësh të pranimit të shikuesve në ndeshjen e 11 tetorit me Shqipërinë.

Dhe, ky lajm sikur ua ka bërë qejfin mediave kroate, të cilat kanë nisur ta ngacmojnë Serbinë për këtë vendim, para sfidës që do të luhet në Leskovc, e vlefshme për kualifikimet e Botërorit 2026.

Mediumi “24sata” i thumboi serbët me shkrimin e fundit: “FIFA ia dha një gjobë të madhe Serbisë. Me shqiptarët para një grushti njerëzish”, shkroi mediumi kroat duke iu referuar faktit se në stadiumin e Leskovcit pritet të ketë vetëm 6500 shikues, shkrim ky që i ka çartur mediat serbe gjithsesi, përcjell “Gazeta Express”.

FIFA e dënoi Federatën Serbe për incidentet që ndodhën në ndeshjen e këtij muaji me Anglinë, ku mungoi rendi dhe siguria, ndërsa pati edhe përleshje të tifozëve serbë brenda stadiumit.

Për këtë arsye edhe u zhvendos loja në Leskovc, mbi të gjitha shkaku i paqëndrueshmërisë dhe protestave që po mbahen kohë pas kohe në kryeqytetin serb.

IN Promo Marketing

Pijet Tona, Shija Juaj!

Udhëto nga Baseli drejt Prishtinës, përfitoni nga ofertat speciale!

Suksesi i radhës për ‘R & Rukolli Group’: Pijet e reja depërtojnë në tregun gjerman