Një burrë, gruaja e të cilit ishte në aeroplanin e American Airlines, ka zbuluar fjalët e fundit të bashkëshortes para përplasjes.

Sipas Daily Mail, Hamaad Raza zbuloi se gruaja e tij 26-vjeçare ishte në bordin e fluturimit nga Wichita, Kansas në Uashington kur u përplas me një helikopter ushtarak pak para orës 21:00 të mërkurën mbrëma, përcjell Insajderi.

“Unë po lutem që ta tërheqin atë nga lumi tani, ndërsa flasim. Kjo është gjithçka për të cilën mund të lutem, thjesht po i lutem Zotit”, tha Raza për WUSA9.

Raza zbuloi se avioni ishte aq afër aterimit, saqë gruaja e tij ishte në gjendje t’i dërgonte mesazhe menjëherë para rrëzimit.

Raza më pas i tregoi reporterit, i cili e përshkroi atë si “një nga intervistat më rrëqethëse të karrierës profesionale”.

“Ajo më dërgoi mesazhe se do të uleshin pas 20 minutash. Pjesa tjetër e fjalëve nuk shkuan dhe atëherë kuptova se diçka s’ishte në rregull’, tha ai. /Insajderi.org/