Kryetari i Gjakovës, Ardian Gjini nga partia e AAK’së, gjatë fushatës për zgjedhjet lokale të vitit 2021 kishte premtuar realizimin e 35 projekteve nëse do të fitonte edhe një mandat qeverisës. Mirëpo, katër vite më vonë, ai ka dështuar t’i përmbushë 8 prej tyre, shkruan Gazeta Insajderi.

Gjatë fushatës zgjedhore, Gjini, si kandidat për kryetar nga Aleanca për Ardhmërinë e Kosovës, kishte bërë gjithsej 35 premtime në programin e tij elektoral.

Sipas hulumtimit të publikuar nga Instituti GAP, nga këto premtime vetëm 19 janë realizuar, 5 janë në gjysmë të përmbushura, 3kanë filluar, ndërsa 8 premtime nuk kanë nisur fare.

Insajderi iu sjell 8 premtimet e Gjinit, që janë nga fusha e bujqësisë, infrastrukturës, kulturës, shërbimeve publike, sportit e urbanizmit, realizimi i të cilave nuk ka filluar.

Bujqësi:

1.Lidhja e tregjeve të qytetit me pikat grumbulluese të produkteve bujqësore

Infrastrukturë:

1.Funksionalizimi i linjës hekurudhore në Gjakovë

Kulturë:

1.Investime në zbulime të zonave të reja arkeologjike

Shërbime publike:

1.Vendosja e dyerve të blinduara dhe interfonëve në të gjitha banesat kolektive

2.Objekti i vjetër i administratës komunale do t’i kalojë në menaxhim qendrës rinore

Kulturë:

1.Përfundimi i fushës profesionale të atletikës

2.Ndërtimi i pishinës olimpike

Urbanizëm:

1.Funksionalizimi i kompanisë publike “Artitekti i qytetit”.

Gazeta Insajderi para rreth dy muajve ka dërguar pyetje te Kryetari Ardian Gjini në lidhje me arsyet e mosrealizimit të projekteve, por përkundër kësaj, nuk kanë dhënë asnjë përgjigje.

Ardian Gjini mban postin e kryetarit të Gjakovës që nga viti 2017 dhe synon të marrë mandatin e tretë në zgjedhjet lokale që do të mbahen më 12 tetor. Insajderi.org

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!