Presidenti i Republikës së Kosovës, Hashim Thaçi, ia ka dorëzuar ‘Medaljen e Meritave’ këngëtarës shqiptare me nam botëror, Dua Lipa.
Presidenti tha se suksesi i Dua Lipës i bën krenar të gjithë shqiptarët.
“Viti 2016 ishte vit i Dua Lipës, Majlinda Kelmendit, Rita Orës dhe i të gjithë atyre sportistëve që shpërthyen anembanë botës”, ka thënë presidenti Thaçi.
Kurse këngëtarja me origjinë shqiptare, Dua Lipa, ka thënë se ndihet shumë krenare që është shqiptare.
“Po ndihem shumë e lumtur dhe shumë krenare që jam shqiptare. Është pak e papëshkrueshme”, ka thënë shkurt Lipa.
Dje në mbrëmje Dua Lipa mbajti koncert në Gërmi në praninë e shumë simpatizuesve të saj./Insajderi.com
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
