Presidenti i Nigerisë, Muhammadu Buhari, ka thënë se ai nuk është duke kërkuar nga askush që t’i kërkojë falje vendit të tij, pasi kryeministri i Britanisë së Madhe, David Cameron, e quajti vendin e tij si shtet tepër të korruptuar.

Duke folur në një ngjarje kundër korrupsionit në Londër, Buhari tha se ai është më shumë i interesuar në kthimin e aseteve të vjedhura të cilat mbahen në Bankat e Britanisë së Madhe, transmeton Gazeta Express.

Ndërsa, Cameron i bëri këto komente të pamatura për Nigerinë gjatë një bisede me Mbretëreshen.

Cameron do të jetë mikpritës i një samiti ndërkombëtar kundër korrupsionit të enjten.

Në fjalimin e tij, Buhari përshkroi korrupsionin një përbindësh i shumëkokësh, i cili kërcënon sigurinë e vendeve.

Po ashtu, ai tha se korrupsioni në Nigeri është endemik dhe se Qeveria e tij është e përkushtuar për ta luftuar atë./Gazeta Express/

]