Presidenti i Venezuelës, Nicolas Maduroa, ka deklaruar gjendje emergjente në vendin e tij që pritet të zgjatë 60 ditë, ndërsa ka fajësuar Shtetet e Bashkuara të Amerikës për tentim të largimit të qeverisë majtiste.

Maduro nuk ka dhënë detaje më shumë rreth kësaj mase.

Të premten, zyrtarë të inteligjencës amerikane i kanë thënë gazetarëve se janë të shqetësuar për një kolaps politik e ekonomik të Venezuelës dhe kanë parashikuar që Maduro vështire se do të jetë në gjendje të mbarojë mandatin e tij.

Në anën tjetër, presion të vazhdueshëm për largimin e Maduros ka edhe nga opozita, deri sa kriza me ushqim dhe barna, si dhe ndalje të shpeshta të rrymës janë duke e dëmtuar ekonominë.

Por, presidenti Maduro ka thënë se Amerika është duke e përkrahur të djathtën fashiste.

Për shkak të thatësirave të mëdha, Venezuela është duke u përballur me krizë të rëndë energjetike.  Punëtorët e sektorit publik në vend punojnë vetëm dy ditë gjatë javës si masë për të kursyer energjinë elektrike./Insajderi.com