Presidenti i Barcelonës, Joan Laporta, ka reaguar për herë të parë ndaj polemikave të krijuara rreth festës së ditëlindjes së 18-të të Lamine Yamal, duke mbrojtur publikisht lojtarin e ri të talentuar të klubit katalanas.

Në një prononcim për mediat, Laporta e quajti festën një ngjarje të zakonshme për një të ri në moshën e Yamal dhe theksoi se nuk sheh arsye për kritika.

“Ishte një djalë 18-vjeçar që festonte me miqtë e tij. Nuk ka asgjë për t’u dramatizuar,” deklaroi presidenti i Barcelonës, duke shtuar me humor: “Do të doja të isha i ftuar.”

Kritikat ndaj Yamal u intensifikuan pasi në rrjetet sociale u publikuan pamje nga festa, ku vërehej prania e personave me nanizëm të cilët përdoreshin për shfaqje argëtuese.

“Ky është thjesht realiteti i rinisë së sotme. Nuk ka asgjë për të qortuar.”- tha Laporta.

Ai shtoi se Yamal ishte paraqitur plotësisht në rregull në stërvitjen e ditës së nesërme dhe se festa nuk kishte ndikuar në asnjë mënyrë në profesionalizmin apo përgatitjen e tij.

“Jam i lumtur që e shijoi ditëlindjen. Nuk shoh asnjë problem me këtë,” përfundoi presidenti i Barcelonës.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!