Burim Sopa, ka thënë se vajza e tij Nisa, nuk ka mundur të regjistrohet në British School of Kosova.

Sipas tij, u refuzua regjistrimi i vajzës së tij pasi ka Sindromën Down.

“Sot ndjeva një dhembje që si prind nuk do të doja ta përjetoja kurrë. Institucioni British School of Kosova refuzoi regjistrimin e vajzës sime, Nises, vetëm sepse ajo ka Sindromën Down. Është zhgënjyese që në vitin 2025, në një shoqëri që pretendon për përfshirje dhe barazi, ende ekzistojnë institucione arsimore që nuk i hapin dyert për të gjithë fëmijët — pavarësisht potencialit, dëshirës për të mësuar, apo të drejtës që u takon”, thuhet në reagim.

Sopa, në reagimin e tij në “Facebook”, ka shkruar se kjo është thirrje për reflektim, shkruan Insajderi.

“Kjo nuk është thjesht çështje personale. Është një thirrje e hapur për reflektim — për të kuptuar se përjashtimi nuk ndikon vetëm një fëmijë apo një familje, por dëmton gjithë shoqërinë tonë.

Fëmijët si Nisa nuk kanë nevojë për mëshirë — ata kanë nevojë për mundësi, për hapësirë, për edukim dhe për trajtim të barabartë.

Uroj që kjo përvojë të shërbejë si vetëdijesim për institucionet që ende nuk e kanë kuptuar çka do të thotë vërtet përfshirje”, përfundoi ai.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!