Mijëra njerëz të mbledhur në sheshin “Zahir Pajaziti” të cilët përjetuan tmerr nga të shtënat me armë në Prishtinë, janë shpërndarë dhe situata në qendrën e Prishtinës është e qetë.

Momentalisht, Forenzika e Policisë së Kosovës po kryen mbledhjen e provave në vendin ku ka ndodhur incidenti me të shtëna armësh, raporton Insajderi.

Megjithatë, mijëra njerëz të mbledhur në Prishtinë janë shpërndarë edhe pse disa prej tyre kanë pësuar lëndime teksa po shpërndaheshin nën panik në momentin e të shtënave. /Insajderi.com