Një grua me nënshtetësi malazeze ka denoncuar në Policinë e Kosovës vajzën e saj të mitur, nën dyshimin se kjo e fundit e ka ofenduar dhe sulmuar fizikisht.

Denoncimi është bërë në Prishtinë, rreth orëve të para të së shtunës. Këto informacione i ka bërë të ditur Policia e Kosovës me anë të raportit ditor, ku thuhet se ka ftuar për intervistim dy palët.

Më pas, rasti ka kaluar në procedurë të rregullt.

“Prishtinë 29.06.2024 – 00:30. Ankuesja femër shtetase e Malit të Zi, ka njoftuar se vajza e saj e moshës se mitur, e ka ofenduar dhe herë pas here e sulmon edhe fizikisht. Të dy palët janë intervistuar dhe me vendim te prokurorit rasti shkon në procedurë të rregullt”, thuhet në njoftimin e PK’së. /Insajderi.org/