Turqia u kualifikua në çerekfinale të Euro 2024 pasi mposhti Austrinë me rezultat 2-1. Protagonist i ndeshjes ishte sulmuesi Merih Demiral, i cili shënoi dy gola për ekipin turk. Meritë kishte edhe portieri turk Mert Gunok, i cili pengoi golin e austriakëve në minutën e 95-të.

Turqia kaloi në avantazh në minutën e parë të lojës, kur Demiral u tregua klinik në zonën e rreptësisë pas një goditje nga këndi dhe shënoi për 1-0, ndërsa në minutën e 59-të shënoi golin e dytë për epërsinë 2-0.

Michael Gregoritsch ngushtoi rezultatin në 2-1 në minutën e 66-të dhe që nga ai moment austriakët rrethuan portën e Turqisë.

Megjithatë, austriakët duhet të prisnin minutën e pestë shtesë për mundësinë më të mirë për të barazuar në minutat e fundit të takimit.

Gunok bëri një intervenim të jashtëzakonshëm për të mbajtur epërsinë e Turqisë. Turqia në fazën tjetër të kualifikimeve do të takohet me Holandën.

Mert Günok's incredible 95th-minute save 🤯😱#EUROLastMinute | @Hublot pic.twitter.com/N2AImAbc7A

— UEFA EURO 2024 (@EURO2024) July 2, 2024