Një tragjedi tronditi sot Prishtinën, ku një zyrtar polic u gjet pa shenja jete. Alban Tolaj, pjesëtar i Policisë së Kosovës, dyshohet se u vetëvra pasditën e sotme.
Lidhur me këtë ngjarje tragjike ka reaguar edhe producenti i njohur, Bini Diez, i cili njëherazi ishte edhe mik i tashmë të ndjerit, Tolaj.
Në një postim prekës në “Instagram”, Bini zbulon se me Albanin kishte biseduar dy ditë më herët.
“Alban, s’po muj me besu që po shkruj për ty, shoku jem i vjetër e i afërt që, sa herë kom pasë nevojë, ti je kanë aty për mu e unë për ty. 2 ditë ma herët, kur folëm afër 1 orë, asnjë shenjë s’ma dhe që ka më kanë biseda jonë e fundit. Pusho në paqe shoku jem, nuk kam me të harru kurrë”, shkroi Bini, transmeton Insajderi,
Ky i fundit, për një kohë të gjatë ishte bashkë-moderues i emisionit me vajzën e policit të ndjerë, e cila po ashtu është prezantuese.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
