Arsen Muskurti ose i njohur ndryshe me si Hamza Muskurti vrau mesditën e sotme vëllain Dritan Muskurti dhe bashkëshorten e tij, Nora Muskurti në kryeqytet. 

Sherri besohet të ketë nisur për një konflikt të hershëm pronësie. Muskurti ishte një bizesmen i njohur në Tiranë pasi zotëronte disa dyqane në rrugën “Myslym Shyri”. Ai është babai i 7 fëmijëve, 4 djemve dhe 3 vajzave me të cilët postonte shpeshherë dhe foto në rrjetet sociale.

Muskurti nuk është një personazh shumë i panjohur për publikun pasi në fotot e publikuara në rrjetet sociale ai shihet në takime të ndryshme brenda dhe jashtë vendit.

Me një vështrim në rrjetin e tij social Facebook krahas fotove me personazhe të ndryshme deri tek kryeministri i Kosovës, Albin Kurti dhe personalitete të tjera si Ambasadori i Shqipërisë në Kosovë apo dhe deputetë bien në sy dhe mesazhet e vazhdueshme kërcënuese që ai bënte vëllait të tij, të cilin e akuzonte se i ka marrë pronën dhe se keqtrajtonte punonjësit.

Takimet në Kosovë dhe Shqipëri

Meskurti duket se kishte një lidhje të ngushtë me Kosovës pasi shihej ta vizitonte shpesh dhe të ishte pjesë e takimeve të ndryshme. Në fotot e postuara në Facebook ai shohet krah kryeministrit të Kosvës, Albin Kurti dhe personaliteteve të tjera si ambasadori i Shqipërisë në Kosovë. Por dhe në Shqipëri ai shihet shpesh duke pozuar me deputetë të ndryshëm si rasti i deputetit të Vlorës, Bujar Leskaj.

Arsen Meskurti dhe Albin Kurti

Arsen Meskurti dhe Bujar Leskaj

Arsen Meskurti dhe Ambasadori i Shqipërisë në Kosovë

Arsen Muskurti menjëherë pas ngjarjes së rëndë u largua me shpejtësi nga vendi i ngjarjes duke u kapur pak orë më pas nga forcat e Policisë të cilëve iu bashklua dhe RENEA për shkak të rrezikshmërisë së lartë të personit në fjalë.

Krimi i dyfishtë në Tiranë e ka zanafillën tek një agjenci udhëtimesh. “Noor Travel” është agjencia që prej vitesh kishte futur sherr dy vëllezërit, gjë që drejtësia e ndau vetëm para pak muajsh. Në janar të këtij viti, me vendim gjykate, agjencia e udhëtimeve që dërgonte njerëz në vende të lindjes u kalua në emër të personit që mbeti i vrarë sot Dritan (Alban) Muskurti. Por, për Arsen (Hamza) Muskurtin, kjo gjë ishte e papranueshme. Dyshja konfliktoheshin çdo ditë, madje në Policinë e Tiranë ka dhe denoncime nga vëllezërit kundër njëri-tjetrit.

IN Promo Marketing

 Eksperienca e blerjeve online arrin në Slloveni!

Rezervo sot dhe shijo fluturimet më të volitshme nga Gjeneva drejt Prishtinës

Furnizohu sot, dhuro shpresë nesër