Kryeministri i Kosovës, Albin Kurti, ka pasur një paraqitje televizive në mediumin prestigjioz amerikan CNN me gazetaren Christiane Amanpour.

Kurti foli për rëndësinë e intervenimit të NATO-s në Kosovë, si dhe për “projektin gjenocidal të Sllobodan Millosheviqit”, shkruan Gazeta Insajderi.

“Muajin e kaluar ne festuam 25 vjetorin e çlirimit të vendit tonë dhe kjo do të ishte e pamundur pa ndërhyrjen e NATO-s, aeroplanët e tyre që bombarduan për 48 ditë policinë dhe ushtrinë e liderit serb Sllobodan Millosheviq. Paraprakisht, në Kosovë ka pasur disa masakra kundër popullatës civile, ku janë vrarë gra, fëmijë dhe pleq”, deklaroi Kurti.

“Gratë janë dhunuar, shtëpitë dhe fshatrat e tëra janë rrënuar dhe e gjithë kjo ishte një projekt gjenocidal i regjimit të Millosheviqit për ta pasur Kosovën pa popullin e saj, pa shqiptarë. Në thelb, ata e shihnin vendin tonë si territor, jo si popull. Operacioni “patkua e kalit” po ndodhte kur NATO ndërhyri dhe ndaloi gjenocidin ndaj Serbisë”, shtoi tutje shefi i Qeverisë. /Insajderi.org/