Në Pallatin e Kongreseve po mbahen homazhe në nder të gjyqtarit Astrit Kalaja, i cili u vra 2 ditë më parë në Gjykatën e Apelit.
Prokurorët e Prokurorisë së Posaçme, së bashku me kreun e institucionit Altin Dumani, ishin pjesë e homazheve për gjyqtarin Kalaja, shkruan euronews.
I pranishëm ishte edhe kryeministri Edi Rama, i shoqëruar nga ministri i Drejtësisë.
Prokurorë, gjyqtarë dhe përfaqësues të sistemit të drejtësisë kryen homazhe në nder të kolegut të tyre të vrarë në krye të detyrës.
Ngjarja e rëndë ndodhi të hënën dhe solli reagime të shumta nga sistemi i drejtësisë, politika por edhe opinioni publik.
Elvis Shkambi qëlloi me tre plumba gjyqtarin Astrit Kalaja menjëherë sapo dha vendimin në disfavor të tij për një çështje prone.
31-vjeçari qëlloi me armë zjarri edhe ndaj 2 personave të tjerë në sallën e gjyqit, me të cilët ishte në konflikt pronësie, duke i lënë të plagosur.
Pas arrestimit të autorit të vrasjes, Elvis Shkambi, në pranga janë vënë edhe xhaxhai i tij, Gjon Shkambi, si dhe punonjësi i sigurisë i Gjykatës së Apelit Tiranë, Banush Koxhaj.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
