Avokati Naim Rudari ka reaguar lidhur me vendimin që u mor sot në mbledhjen e Qeverisë ku Pronat e sekuestruara të kryekriminelit serb, Milan Radoiçiq do t’i jepen në shfrytëzim Ministrisë së Brendshme të Kosovës (MPB), përkatësisht Policisë së Kosovës.

Avokati Naim Rudari, thotë se këto objekte duhet të studiohen për të parë nëse vërtetë i shërbejnë policisë.

Rudari tha se vila e Radoiçiqit është e rrezikshme për tu shfrytëzuar nga organet e sigurisë së Kosovë.

“Vlerësoj se është jashtëzakonisht e rrezikshme që të gjithë pjesën prapa ta ketë në pyll. Këtu mund të kanoset ndonjë rrezik i papritshëm dhe mund të jetë dhe mund të jetë tejet mirë i përgatitur, mund të futet dikush deri në brendësi, meqenëse vendi është i tillë“, tha Rudari në Klan.