Pas përplasjeve fizike dhe incidenteve në selinë e PD ditën e shtunë, Policia ka nisur shoqërimet e disa prej pjesëmarrësve në komisariat.

Avokati i Popullit publikoi shifrat e para për numrin e personave që janë ndaluar nga forcat e rendit, për ngjarjet që kanë lidhje me protestën.

Në një njoftim për mediat, institucioni i avokatit të popullit thotë se në komisariate janë shoqëruar 59 qytetarë. Nga këta, 8 prej tyre ishin të mitur.

Përplasjet fizike dhe dhuna në selinë e PD shkaktuar dhe disa të lënduar. Në spitalin Ushtarak dhe në Qendrën shëndetësore universitare “Nënë Tereza” kanë marrë mjekim shtatë persona. Një prej të lënduarve nga protesta është një punonjës i forcave të rendit. Mes të lënduarve janë dhe tre femra.

Në reagimin e Avokatit të Popullit për protestën para PD, theksohet se Policia e Shtetit ka përdorur gaz lotsjellës në një nivel të lartë edhe ndaj qytetarëve që nuk ishin aktiv në protestë./euronews/

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur