Një javë pas mbajtjes së zgjedhjeve parlamentare, Komisioni Qendror i Zgjedhjeve njoftoi të dielën përfundimin e vlerësimit të fletëve të votimit nga jashtë për subjektet zgjedhore në 12 qarqet e vendit.

Ndërkohë që numërimi i votave nga jashtë ka përfunduar si proces për partitë politike, në vijim është faza e vlerësimit të votave për kandidatët e votimit preferencial (në listë të hapur). Deri tani, vetëm Qarku Kukës ka mbyllur tërësisht procesin për kandidatët.

Nga të dhënat e përditësuara nga KQZ në orën 19:00, Partia Socialiste ka siguruar shumicën e votave nga diaspora me 61,11% të totalit të numëruar, ose 121.815 vota. Pas saj renditet Partia Demokratike me 23,56% (46.954 vota), ndërsa Koalicioni “Nisma Shqipëria Bëhet” është i treti me 7,41% të totalit, ose 14.768 vota.

Diaspora shqiptare votoi për herë të parë në zgjedhjet parlamentare të 11 majit. Sipas të dhënave të KQZ-së, gjithsej janë numëruar 201.558 zarfe të dërguara me postë nga 245.935 që ishin zgjedhësit në listën e miratuar nga KQZ-ja, çka përbën një pjesëmarrje prej gati 80 për qind.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!