Aktivistët e PSD’së kanë shpërndarë “pesëqindëshe” te objekti i KEDS’it, ku po mbajnë një aksion.
Përveç thasëve të mbushur me kartëmonedha false në vlerë 500 euro, ata kanë vendosur edhe një “çek” në vlerë prej 20 milionë euro.
Ky aksion vjen pas vendimit të Qeverisë së Kosovës për ndarjen e 20 milionë eurove për Korporatën Energjetike të Kosovës, për mbështetje të tejkalimit të krizës energjetike në vend.
Këta aktivistë janë parë me pankarta dhe thasë të zi.
Po ashtu në vendin e ngjarjes është edhe Policia e Kosovës.
Për këtë aksion ka njoftuar zëdhënësja e PSD’së, Natyra Kuçi.
Sipas Kuçit, për këtë aksion do të prononcohet kryetari i partisë, Dardan Molliqaj.
“Sot, me datën 22 dhjetor ( e mërkurë), duke filluar nga ora 14:00, PSD do të mbaj aktivitet pranë ndërtesës së KEDS-it (ish- KEK).Prononcohet Dardan Molliqaj”, ka shkruar Kuçi.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
