Ushtria izraelite ka publikuar videon e filmuar nga kamera e njërit prej policëve të parë, që kishte arritur në vendin ku kishin ndodhur vrasjet masive në festivalin e muzikës elektronike Supernova, që ishin cak i militantëve të Hamasit gjatë 7 tetorit.

Në kamerën që me gjasë ishte e vendosur në uniformën e policit, shihet sesi zyrtari afrohet në vendin që ishte i zbrazët por që disa orë më herët ishte mbajtur festivali.

Fillimisht shihet revolja dhe polici i cili dëgjohet duke pyetur nëse ka të plagosur, por nuk kishte përgjigje, transmeton Telegrafi.

Në një momenti filmimi “ngrihet” pasi polici i afrohet disa kufomave. Në video ai përshkruan se çfarë sheh, numëron të vrarët me zë dhe pyet nëse ka të gjallë.

"Anyone? Please! Can anyone answer?"

Israeli police officer prayed for signs of life, while searching for survivors in the aftermath of the Nova Music Festival Massacre on October 7.
All he heard was silence.
All he saw were lifeless bodies. pic.twitter.com/cpI4R5bqLB

— Israel Defense Forces (@IDF) November 7, 2023

“Këtu është policia, a ka të plagosur”, bërtet polici i pushtuar nga paniku.

Në një moment dikush lëviz prapa banakut dhe shihet sesi kishte shumë trupa të pajetë.

Kujtojmë që në këtë festival, militantët e Hamasit kanë vrarë mbi 300 persona. /Telegrafi/