Janë publikuar pamje tronditëse nga vrasja brutale e një shtetasi amerikan dhe gjithë familjes së tij në Siri.

Pamje të reja video janë publikuar dhe tregojnë momentet e tmerrshme të vrasjes së Hosam Saraya, një shtetas amerikan me origjinë siriane, së bashku me anëtarët e familjes së tij në provincën Suweida të Sirisë.

Në gjakftohtësi u ekzekutua Saraya, bashkë me vëllain e tij, babai, xhaxhallarët dhe kushërinjtë.

Siç raporton CNN, një e afërm e Kareem drejtpërdrejt me të afërmit në Siri, të cilët thanë se anëtarët meshkuj të familjes ishin vrarë të gjithë – duke lënë vetëm gratë dhe vajzat e tyre.

Vrasjet ndodhën më 17 korrik mes një shpërthimi dhune sektare midis grupeve siriane druze dhe fiseve beduine në provincën Suwayda me shumicë druze.

Saraya, i cili kishte studiuar në Oklahoma përpara se të kthehej në Siri, i përkiste komunitetit Druze, një grup fetar arab prej rreth një milion banorësh që jetojnë kryesisht në Siri, Liban dhe Izrael. Ai kishte shkuar në Siri për t’u kujdesur për babanë e tij i cili ishte i sëmurë, tha i afërmi amerikan për mediumin.

I afërmi tha se anëtaret gra të familjes që i mbijetuan masakrës kujtuan se si militantët kishin sulmuar shtëpinë shumëkatëshe të familjes herët në mëngjes, duke i shtyrë banorët të luftonin në vetmbrojtje.

Pasi një nga anëtarët e familjes u plagos, pjesa tjetër dorëzoi armët, tha ajo, dhe burrat u nxorën jashtë.

Qeveria siriane i hodhi poshtë “kategorikisht” krimet kundër civilëve, tha të martën Nour al-Dean Baba, zëdhënës i ministrisë së brendshme të vendit. /Insajderi.org/

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!