Gjykata Kushtetuese e Kosovës në aktgjykimin e plotë konstatuar se Kuvendi ende nuk është konstituuar, pasi gjatë seancës konstituive të filluar më 15 prill nuk është zgjedhur nënkryetari nga radhët e deputetëve të komunitetit serb.

Në aktgjykimin e shpallur më 30 shtator 2025, Gjykata ka vendosur njëzëri që kërkesa e dorëzuar nga dhjetë deputetë të Kuvendit të Kosovës është e pranueshme, duke theksuar se moszgjedhja e nënkryetarit nga komuniteti serb ka penguar përfundimin e procesit të konstituimit të Kuvendit, siç kërkohet me nenet 66 dhe 67 të Kushtetutës.

“Ashtu siç u theksua më lart, përfaqësimi i komuniteteve që nuk janë shumicë në Kuvendpërfshirë edhe në Kryesinë e Kuvendit është detyrim kushtetues. Nëse Kuvendi nuk arrin të zgjedhë nënkryetarin nga radhët e deputetëve të komunitetit Serb, Kryesia e saj do të ishte e paplotë dhe jokushtetuese. Në këtë kontekst, zgjedhja e nënkryetarit të Kuvendit nga komuniteti Serb si anëtar i domosdoshëm i Kryesisë së Kuvendit, është parakusht për konstituimin e Kuvendit”, thuhet në aktgjykim.

Gjykata ka urdhëruar që seanca konstituive të përfundojë brenda 12 ditësh nga hyrja në fuqi e aktgjykimit, në përputhje me afatin kushtetues prej 30 ditësh.

Po ashtu, është kërkuar që të gjithë deputetët të ushtrojnë detyrimet e tyre kushtetuese “në interesin më të mirë të Republikës së Kosovës” dhe në përputhje me Kushtetutën dhe Rregulloren e Kuvendit.

Gjykata ka vazhduar masën e përkohshme të vendosur më 5 shtator 2025, e cila ndalonte çdo veprim të deputetëve apo procedurë për formimin e Qeverisë, deri në hyrjen në fuqi të këtij aktgjykimi. /Insajderi.org/

IN Promo Marketing

 Eksperienca e blerjeve online arrin në Slloveni!

Rezervo sot dhe shijo fluturimet më të volitshme nga Gjeneva drejt Prishtinës

Furnizohu sot, dhuro shpresë nesër