Një 22-vjeçar është gjetur pa shenja jete sot rreth orës 08:50 në fshatin Mirushë të Malishevës

Lajmin e ka konfirmuar zëdhënësi i Policisë në Gjakovë, Sheremet Elezaj.

Ai tha se me të marrë informatën, Policia bashkë me një ekip mjekësor kanë dalë në vendin e ngjarjes, ku është konstatuar vdekja e viktimës.

“Sot rreth orës 08:50 Policia është njoftuar për një person pa shenja jete në fshatin Mirushë të Malishevës. Me të marrë informacionet, njësia e policisë me një ekip mjekësor kanë dalë në vendin e ngjarjes, ku mjeku e ka konstatuar vdekjen e viktimës. Me urdhër të prokurorit, rasti është duke u hetuar si “Hetim i vdekjes””, tha Elezaj për Insajderin.

Ndërsa është publikuar edhe fotografia e viktimës- Edison Thaçi.