Emisioni “Kodrina e Vdekjes”, për të cilin autorët thanë se nuk u lejuan ta publikonin në televizionin Vizion Plus, u publikua sot në darkë në YouTube. Emisioni 50 minuta i gjatë ritregon ngjarjen e 7 gushtit 2016, kur 17 vjeçari Ardit Gjoklaj humbi jetën duke punuar gjatë turnit të natës. Emisioni raporton shkeljet e panumërta të kodit të punës si dhe refuzimin e Bashkisë së Tiranës për t’iu përgjigjur kërkesave për të drejtë informimi të gazetarëve.