Fundi tragjik ishte për Enkeleda Danajn, 40 vjeçaren shqiptare, e cila u masakrua me thikë në mes të rrugës në Athinë nga ish bashkëshorti i saj Eduart Danaj. Mediat greke kanë publikuar një video, të pak ditëve më parë, ku dëgjohen lutjet e gruas për ndihmë gjatë një sherri mbrëmjen e së hënës së kaluar me ish bashkëshortin.

Në të, 40-vjeçarja dëgjohet duke i thënë 50-vjeçarit që ta linte të qetë pasi “janë të divorcuar”. 50 vjeçari, në gjendje të dehur, e ka sharë dhe kërcënuar atë dhe në një moment teksa ajo ka tentuar që të lajmërojë policinë, e ka kapur për qafe. Vajza e tyre, e cila ka qenë e pranishme, ka lajmëruar policinë.

“Do të të vras”, dgjohet duke bërtitur në video 50-vjeçari, i cili ishte jashtë kontrollit. Në të njëjtën kohë, banorët e pallatit ku çifti jetonte disa muaj më parë flasin për zënka të shpeshta. Një grua përshkruan një ngjarje të dhunshme të ndodhur gjatë Javës së Shenjtë, kur 50-vjeçari e kërcënoi 40 vjeçaren në sy të fëmijëve të vegjël.

Top Channel një video, të një debati të ashpër që çifti ka patur me njëri-tjetrin më 7 maj ditën kur Enkelejda e ka denoncuar në polici bashkëshortin për herë të fundit.