Prej një jave në qeli, presidenti i Partisë së Lirisë, Ilir Meta, ka zhvilluar sot takimin e parë me familjarët e tij në ambientet e paraburgimit 313-të.

Raportohet se SPAK ka dhënë leje që ish-presidenti i vendit, të vizitohet në burg nga të afërmit.

Gjatë këtyre ditëve, Meta ishte vizituar në burg vetëm nga avokati i tij, Genc Gjokutaj.

Ndërsa në ambientet e Bllokut të Sigurisë në rrugën “Mine Peza”, Meta është vizituar nga djali, Besar Meta.

Ilir Meta u la në arrest me burg nga GJKKO për akuzat e korrupsionit pasiv, pastrim parash dhe fshehje pasurie, gjatë seancës që u zhvillua në 23 tetor për rivlerësimin e masës së sigurisë.

Për Monika Kryemadhin dhe Ema Çokun, gjykata vendosi detyrim paraqitje. GJKKO ndryshoi masën e sigurisë vetëm për ish-drejtorin e AKEP, Pirro Xhixho, i cili nga arrest shtëpie u lë na detyrim paraqitje.