Kryeministri i Kosovës Isa Mustafa sot vuri gurthemelin e ndërtimit të urës në fshatin Plemetin të Obiliqit, e cila lidh shumë fshatra për rreth.

Në këtë ceremoni kanë qenë të pranishëm ministri i Infrastrukturës, Lutfi Zharku, kryetari i Obiliqit, Xhafer Gashi.

Kryeministri Mustafa tha se “ky projekt edhe pse nuk është shumë i shtrenjtë, është një investim shumë i rëndësishëm për përmirësimin e jetës së qytetarëve të kësaj Komune”.

Ky projekt ka kushtuar rreth 340 mijë euro dhe do të ndërtohet për një vit, bënë të ditur ministri i Infrastrukturës, Lutfi Zharku.

Ndërsa kryetari i Komunës së Obiliqit, Xhafer Gashi, tha se vendosja e gurthemelit për ndërtimin e urës është i kamotshëm dhe shumë i pritshëm për banorët e Komunës së Obiliqit.

Gashi, po ashtu, tha se mungesa e kësaj ure ka mbajtur të ndarë një pjesë të madhe të banorëve dhe të gjitha fshatrave të Ortakollit, e në veçanti fshatrat e Komunës së Obiliqit, të cilat s’kanë mundur të lëvizin që nga paslufta, thuhet në njoftim./Insajderi.com