Ministri i Financave, Hekuran Murati, ka thënë se për një muaj pas lansimit të masës së punësimit në komunat veriore të Kosovës, janë punësuar 66 persona.

Murati këtë e ka thënë me anë të një postimi në ‘Facebook’, duke thënë se kjo u bë përmes ndërmjetësimit nga Agjencia e Punës.

“Një muaj pas lansimit të masës së punësimit në katër komunat në veri të vendit, tashmë kemi edhe punësimet e para”, thuhet në postimin e tij.

“Në muajin e parë janë punësuar 66 punëkërkues si rezultat ndërmjetësimit nga Agjencia e Punës nëpërmjet kësaj mase”, vijon postimi.

“Punësimi është bërë nëpër biznese që tashmë janë regjistruar në zyrat lokale të ARBK, dhe operojnë sipas ligjeve në fuqi”. /Insajderi.org/