Kabineti Qeveritar, gjatë mbledhjes së sotme e ka miratuar dokumentin “Plani i Masave dhe Përmirësimi i Cilësisë së Ajrit  dhe Gjendjes së Mjedisit në Kosovë”.

U.d i ministrit në Ministrinë e Mjedisit dhe Planifikimit Hapësinor Ferat Shala, gjatë kësaj mbledhje deklaroi se janë dhënë 6 rekomandime të cilat janë duke u zbatuar si masë për mbrojtjen e ndotjes së ajrit.

Gjithashtu Shala përmendi edhe disa masa që përmban plani për mbrojtjen e cilësie së ajrit.

“Të bëhet shqyrtimi i vendimit për veturat e vjetra, të rritet kontrolli i cilësisë së derivateve të naftës, të rritet inspektimi i lëndëve djegëse në ekonomit familjare, funksionalizimi i transportit publik në ato qytet ku ndotja e cilësisë së ajrit është  më e lartë”, tha ai.