Në mbledhjen e sotme të Qeverisë së Kosovës është marrë vendim për rritjen e rezervave shtetërore.
Ministri i Financave, Hekuran Murati tha se duke marrë parasysh lëvizjet në tregjet globale kanë propozuar që të shtojnë edhe një masë në kuadër të Pakos së Ringjalljes Ekonomike, që ka të bëjë me ndarjen e 10 milionë eurove për rritjen e rezervave shtetërore.
“Në Ministrinë e Industrisë është programi për rezervat shtetërore, por marrë parasysh ndryshimet në tregjet globale e kemi pa që në kuadër të pakos ekonomike kemi propozuar të shtojmë edhe një masë për rritjen e rezervave shtetërore”, u shpreh Ministri Murati.
Më vonë gjatë mbledhjes pritet të merret vendimi për ndarjen e 10 milionë eurove për rezervën shtetërore.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
