Qeveria vendos sanksione ndaj shtetit të Bjellorusisë

Përmes një postimi në faacebook, kryeministri Albin Kurti ka dhënë sqarime në lidhje me mbledhjen e 61-të qeverisë, ku dhe u nderua Epopeja e UÇK-së.

Përveç tjerash në këtë mbledheje qeveria ka vendosur sanksione ndaj 183 individëve dhe 26 entiteteve Bjelloruse të ndërlidhura me regjimin e Presidentit të Bjellorusisë, Aleksander Lukashenko, shkruan Insajderi.

“Për zbatimin e sanksioneve ndërkombëtare të vendosura nga Këshilli i Bashkimit Evropian ndaj regjimit të Presidentit të Bjellorusisë, Aleksander Lukashenko, vendosëm sanksione ndaj 183 individëve dhe 26 entiteteve Bjelloruse të ndërlidhura me këtë regjim.”, ka shkruar kryeministri Kurti.

Postimi i plotë:

“Fjala ime hyrëse në mbledhjen e sotme të Qeverisë së Republikës së Kosovës:

http://kryeministri.rks-gov.net/adresimi-i-kryeministrit…/

Në këtë mbledhje të 61-të, në nderim e kujtim të Epopesë së Ushtrisë Çlirimtare të Kosovës, që e bëri bashkë popullin dhe e ndryshoi historinë, themeluam Këshillin Organizativ për manifestimin gjithë popullor, për shënimin e Epopesë së UÇK-së, për datat 5, 6 dhe 7 mars 2022.

Kujtimi për dëshmorët e martirët na rikujton që ne duhet të qëndrojmë, të mos dorëzohemi e ta ndërtojmë Republikën që ua kemi borxh.

Në kuadër të raporteve të mira ndërshtetore dhe qëllimit të përbashkët për të lehtësuar jetën e qytetarëve tanë, po realizohet njohja e patentë-shoferit për shtetasit e Kosovës në Kanada dhe Turqi.

Inicuam negocimin e marrëveshjes financiare me Bankën Evropiane për Rindërtim dhe Zhvillim, e cila do t’i sigurojë Kosovës 6,31 milionë euro, e që do të dedikohen për efiçiencë të energjisë dhe burime të ripërtëritshme të energjisë në vendin tonë.

U hapëm rrugë marrëveshjeve për fondet IPA, nga të cilat Kosova do të përfitojë mbi 134 milionë euro nga Bashkimi Evropian. Fonde këto të dedikuara për projekte për zhvillim gjithëpërfshirës socio-ekonomik.

Për zbatimin e sanksioneve ndërkombëtare të vendosura nga Këshilli i Bashkimit Evropian ndaj regjimit të Presidentit të Bjellorusisë, Aleksander Lukashenko, vendosëm sanksione ndaj 183 individëve dhe 26 entiteteve Bjelloruse të ndërlidhura me këtë regjim.”

IN Promo Marketing

KESCO prezanton oferta të reja për bizneset në tregun e hapur

Numërimi i ditëve ka filluar – më 3 Tetor zbulohet fituesi i madh

Meridian Express për ditëlindjen e 13-të, dhuron 10,000 € për kampanjën “Biblioteka e Fëmijëve në Pallatin e Rinisë”