Sipas tyre, shumë gra në Kosovë përballen me vështirësi për të siguruar produkte menstruale, e që tatimi për këto produkte esenciale është 18%.
Tutje, QIKA thekson se për shkak të barrës financiare, gratë detyrohen të përdorin materiale të pasigurta për shëndetin gjatë ciklit menstrual.
“Ende nuk kuptohet se si gratë, në ndërvarshmërinë e tyre financiare nga burrat dhe në nivelin e ulët të punësimit të tyre, munden me qenë aq të varfëra sa të mos mund të mbështesin veten as me produkte esenciale higjienike, si peceta e tamponë. Në pamundësi të përdorimit të mjeteve të duhura, gratë shpesh detyrohen të përdorin materiale të pasigurta për shëndetin e tyre gjatë ciklit menstrual”- thekson më tej QIKA.
Organizata potencon se shteti e shikon varfërinë e grave si çështje të dorës së dytë dhe se nuk mori parasysh peticionin e nënshkruar nga mbi 7, 000 qytetarë.
“Në vend që të sigurojë qasje pa barriera në peceta dhe tamponë, i detyron gratë të paguajnë 18% tatim për to, një normë që aplikohet për produkte jo-esenciale”.
“Qeveria nuk po vepron as në përputhje me vullnetin qytetar. 7500 qytetarë të Kosovës e nënshkruan peticionin e udhëhequr nga QIKA në vitin 2023 “Peceta nuk është luks”, ndërkaq 71 organizata dje iu bashkuan QIKA-s në letrën e drejtuar Ministrit në detyrë të Ministrisë së Financave, Punës dhe Transfereve për heqjen e taksës për produkte menstruale”- thekson më tej QIKA.
OJQ QIKA thekson se “Kjo taksë është pengesë për gëzimin e të drejtës në shëndet për gratë dhe personat që menstruojnë, është shkelje e të drejtave të njeriut e rrjedhimisht edhe kundërkushtetuese”.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
