Universitetet e Belgjikës, Holandës, Mbretërisë së Bashkuar, Gjermanisë, Austrisë, Francës, Hungarisë, Italisë, Portugalisë, Finlandës e vendeve të tjera, përgjatë viteve kanë qenë nikoqir të studentëve nga Kosova, falë programit për bursa studimi të Bashkimit Evropian dhe fondacioni Konrad Adenauer Stiftung.

Young Cells Scheme, në kuadër të së cilit janë ndarë këto bursa studimi, konsiderohet si programi më i suksesshëm dhe efektiv i Bashkimit Evropian.

Drejtime me interes për zhvillimin e sistemit arsimor të vendit, janë përzgjedhur si pjesë e këtij programi dhe në të cilat studetët kosovarë kanë përfunduar studimet e tyre. Të githë të diplomuarit në këtë skemë shkollimi, janë rikthyer në institucionet e vendit, ministritë e linjes, Agjencitë e Pavarura por edhe në sektorin privat, duke dhënë impakt të drejtpërdrejtë në zhvillimin e këtyre institucioneve dhe avancimin e tyre.

Programi Young Cells Scheme, ka përzgjedhur studentët nga të gjitha rajonet e Kosovës dhe nga të gjitha nacionalitetet që jetojnë në vend.

Skema e tillë e edukimit, ka sjellë në vend përvojën dhe njohuritë e eskpertëve nga Universitetet më prestigjioze të Evropës, përmes studentëve tanë.

Kosova konsiderohet një nga vendet me popullsinë më të re në Evropë. Ky fakt, ka bërë që një pjesë e konsiderueshme e donacioneve nga Organizatat dhe Institucionet e huaja, të orientohen në edukimin e tyre.

Në këtë renditje kontributdhënëse është edhe Fondacioni Gjerman Konrad Adenauer, i cili për disa vite radhazi ka lansuar skemën e bursave në Kosovë dhe Gjermani për studentët nga Kosova.

Janë më shumë se 200 studentë nga Kosova që tashmë kanë përfituar bursa studime nga Fondacioni KAS.

Fondacioni Konrad-Adenauer me bazë themelimi në Gjermani, por me prezencë në qindra vende të botës, mbanë emrin e Kancelarit të parë gjerman dhe për orientim programor krahas edukimit dhe shkollimit, ka edhe promovimit të vlerave Evropiane dhe demokratike. Ky fondacion në Kosovë ka zyren përfaqësuese që nga viti 2007.

Kosova vazhdon të mbetet një nga prioritetet e BE-së!