Një banor i Hanit të Elezit, mbrëmë ka dorëzuar në polici një portofol të gjetur me dokumente personale dhe para të gatshme.

Sipas njoftimit të Policisë së Kosovës, rreth orës 18:30, qytetari H. Mici, 40 vjeç, nga Hani i Elezit, ka gjetur një portofol në rrugë dhe e ka dorëzuar menjëherë në stacionin policor lokal.

Pas veprimeve verifikuese, policia ka konstatuar se portofoli i përkiste shtetasit të Republikës së Shqipërisë, R. Sh., 51 vjeç. Në bashkëpunim me autoritetet përkatëse, policia ka arritur të kontaktojë pronarin, i cili është paraqitur në stacion dhe e ka marrë portofolin.

Me procesverbal zyrtar, atij i janë kthyer dokumentet personale, një shumë prej 865 eurosh si dhe mbi 3000 denarë të Maqedonisë së Veriut.

Drejtoria Rajonale e Policisë në Ferizaj ka shprehur mirënjohje publike për qytetarin H. Mici, duke e cilësuar veprimin e tij si një akt human dhe shembullor, që reflekton vlerat më të mira të integritetit dhe përgjegjësisë qytetare.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!