Sipërmarrësi dhe biznesmeni Gjergj Luca, pronarë i kompanisë më e madhe në vend për përpunimin dhe eksport-importin e Peshkut, “Rozafa”, ka dalë me një video-mesazh në rrjetet social

Luca rrëfen eksperiencën e pakëndshme me një nga bankat e nivelit të dytë në vendin tonë, siç është ‘Raiffeisen bank’.

Luca tregon se si kjo bankë, jo vetëm që nuk e ka mbështetur kur ka qenë në vështirësi vite më parë, ndonëse klient i saj, por dhe si sot po i mban lekët për t’i shfrytëzuar nga një transfertë jo e vogël që i ka ardhur nga Japonia.

Kjo vonesë prej 5 ditësh tashmë dhe pa arsye, sipas Lucës, po e pengon që të shlyej kredinë në një bankë tjetër, të paguaj rrogat e punonjësve, e 100 gjerave të tjera që ka një biznes.

Sipërmarrësi Luca, në video mesazhin e tij, i bën thirrje Bankës së Shqipërisë që të marri masa lidhur me rastin, ndërsa një thirrje ka dhe për biznesmenët që të jenë të kujdesshëm kur të firmosin me këto banka, pasi u besojnë ëndrrat e tyre, ua aprovojnë dhe kur janë në vështirësi nuk e kanë problem t’i nxjerrin jashtë.

“Arsyeja pse po dal para jush është të jap një rrëfim timin nga eksperiencën që kam me këtë bankë.

Para 10-12 viteve kam qenë klient i kësa banke, bile dicka më tepër. Kam qenë klient i asaj banke dhe kam finacuar dy anije peshkimi. Mbasi më erdhën ata dy anije u përballa me probleme me administratën e shtetit që ishin të pakapërcyeshme për mua.

Kam shkuar në bankë përmes vështirësive shumë të mëdhaja dhe kam kërkuar takim me drejtorin e përgjithshëm të asaj banke që mesa kujtoj atëherë ka qenë një grek me një grua shumë të nderuar që ishte drejtoreshë tek bizneset e mëdhaja dhe me shumë sinqeritet i thashë, të lutëm jam në vështirësi jo për fajin tim, jo për idetë e mia, jo për punën time, por jam në vështirësi nga administratë e shtetit dhe i këkrova ndihmë që të përballesha me administratën e shtetit.

Ky njeri më tha nuk kam arsye. I thash asyeja është se unë tek ju kam ardhur për të kërkuar që të bëjmë një biznes bashkarisht dhe ju ta financoni. Ju kam shpërfaqur ëndrrën time të cilën e kam përkthyer në një projekt të cilin ekspertët e bankës tuaj e kanë aprovuar.

Dhe ky projekt nuk po ecën jo për fajin tim, jo për vullnetin tim, jo për punën time por sepse administrata e shtetit është bërë barrikadë me korrupsionin e saj dhe nuk do të lejojë njerëzit që janë korrekt me taksat të punojnë, por do të priviligjojë korrupsionin për të mbush xhepat e tyre.

Dhe kërkova në atë kohë që të shkoja tek kryeministri i asaj kohe, bashkë me drejtorin e përgjithshëm të Raifaizen dhe ti kërkonim ndihmë për të zhbllokuar këtë pjesë që të vijonin me projektin e përbashkët.

Nuk e mori njeri mundimin që të përballej me administratën e shtetit nga kjo bankë, por mua më nxorrën në ‘blaclist’ dhe tre vjet mua s’më ka hapur derën asnjë bankë, por përnatë mua më ka dalë emri kësaj banke.

Tani është hera e dytë që unë përballem me një transfertë që mua po më vjen nga Japonia ku i gjithë mundi i një viti i kompanisë prej mijëra vetëve dhe më ka ardhur pagesa e mallit që unë kam shitur atje.

Kjo pagesë e vonuar nga moseksperienca ime këtë rallë më krijoi probleme në sistemin tim. Dhe mua një orë më duket një javë ose një muaj.

Dhe këto lekë kanë ardhur që ditën e hënë, janë deklaruar të martën. Kam shkuar tek kjo bankë kam kërkuar që Jenin të ma kthejnë në euro dhe më kanë dhënë një kurs që është e shkruar atje me 400 mijë euro.

Pastaj u treguan xhentilë me mua dhe më dhanë një kurs tjetër që ishte 180 mijë euro diferencë.

Unë kërkova që këto Jen, të shkojnë në bankën time Intesa, tek ajo bankë që është bërë partnere e ëndrrave të mia dhe këta njerëz më dhanë pastaj kursin e fundit që ishte një diferencë prej 18-20 mijë euro. Unë kërkova dhe i thash jo. Dua që të më transferoni jenin në thesar.

Nga dita e mart, e mërkurë, deri sot që është e premte, unë pres lekët e mia për të paguar kredinë tek banka tjetër. Pres lekët e mia për të paguar punëtorët, pres lekët e mia për të paguar korentin, për të paguar gazin, për të paguar 1000 gjëra që janë ngritur në këto probleme dhe kjo bankë tallet me mua, tallet me mua duke mbajt lekët e mia dhe një ditë më tepër që t’i shfrytëzojë.. Kjo është e turpshme dhe unë dua t’i bëj thirrje Bankës Shqiptare që të marri masa, të na mbrojë ne që punojmë, të na mbrojë ne që furnizojmë buxhetin e shtetit. Të na mbrojë ne që përmes nesh ecën përpara ky vend.

Dhe i drejtohem gjithë biznesit hapni sytë kur bëni kontrata në banka sepse ato kontrata që bëni janë ëndrrat tuaja që këta zotrinjtë që rrijnë aty brenda me ato rroga që i keni parë ju, jua aprovojnë dhe kur ju jeni në vështirësi nuk janë partnerët tuaj por e kanë kollaj për të ardhur për t’iu nxjerrë nga biznesi, nga shtëpitë”, ka përfunduar Luca mesazhin e tij./CNA.al