Kryetari i Mitrovisë Veriore, Goran Rakiq, ka paralajmëruar Qeverinë e Kosovën se Ligji për Trepçën nuk do të jetë i zbatueshëm në veriun e Kosovës.

Në mbledhjen mes të zgjedhurve serb të Kosovës që po ndodh në Zveçan, Rakiq projektligjin për Trepçën e ka quajtur skandaloz.

“Vendimet e njëanshme që merren pa u konsultuar me përfaqësues të qeverisë së Serbisë do të konsiderohen të pavlefshme dhe si të tilla nuk do të mund të implementohen në veri të Kosovës”, ka thënë Rakiq, njofton lajmi.net.

Ai ka kërkuar nga komuniteti ndërkombëtar që të intervenojë dhe të mos e lejojë këtë ligj, që ai e ka quajtur “skandaloz”.