Nga Shkupi kryeministri Edi Rama tha se ka akoma shpresa për t’u takuar me kryeministrin Albin Kurti. Teksa u shpreh se ende nuk i ka ‘humbur shpresat’ për takimin, Rama shtoi se nuk beson që Kurti e ka harruar Kanunin, sipas të cilit edhe hasmit nuk i mbyllet dera kur të vjen në shtëpi.

“Ta trajtojmë mes shqiptarësh. Kam akoma shpresë se Albini nuk e ka harruar kanunin që kur hyn në shtëpi edhe hasmit i hapet dera dhe duhet ta nxjerrsh kur ai ta mbarojë fjalën.”- tha Rama.

Pyetje-përgjigje

Koment për Albin Kurtit, edhe kryetari i BESA Bilal Kasami, dhe njëkohësisht kreu i komunës së Tetovës, të dy refuzuan takimin me ju?

Edi Rama: Unë si kam kërkuar takim! Ka menduar se do i takoj takim. Refuzim provokativ quhet ky. Kreu i Komunës së Tetovës, djalë i mirë. Nuk do e hiqja nga puna e Komunës, për Samitin e NATO-s.

A cënohet imazhi në rajon?

Do e trajtojmë mes shqiptarësh. Kam shpresë që Albini nuk e ka harruar kanunin, që kur të vjen edhe hasmi nuk i mbyllet dera pa mbaruar fjalën.