Kryeministri i Shqipërisë, Edi Rama, ka thënë të martën se Federica Mogherini, Përfaqësuese e Lartë e Bashkimit Evropian,  ka shprehur angazhimin e saj personal që Shqipëria të hapë këtë vit negociatat e pranimit në BE.

Këto komente i ka bërë ai vetëm një ditë pas takimit me Mogherinin.

“Duke vlerësuar reformat dhe progresin e qendrueshëm të vendit, por edhe rolin e shkëlqyer të Shqipërisë në rajon e në arenën ndërkombëtare, Mogherini shprehu angazhimin e saj personal si edhe angazhimin institucional të BE për hapjen këtë vit të negociatave të Shqipërisë me Bashkimin Europian. Me kusht që të kalojë reforma në drejtësi”, ka shkruar Rama në llogarinë e tij në Facebook./Insajderi