Kryetari i Prishtinës, Përparim Rama, ka takuar sot përfaqësuesit e sindikatës së punëtorëve të kompanisë “Pastrimi”, pas krizës së fundit në menaxhimin e mbeturinave në kryeqytet.

Në këtë takim, Rama u shpreh i vendosur për ta mbrojtur sigurinë e punës së tyre dhe për të garantuar të drejtat e punëtorëve, duke i akuzuar njëkohësisht disa struktura për sabotim me motive politike.

“Ne kemi me i mbrojtë të drejtat e juve si punëtorë, s’keni me qenë pa punë. Kontratat kanë qenë të gatshme që nga dhjetori, edhe sot janë gati. Askush s’do të mbetet pa pagë apo pa vend pune,” tha Rama para sindikalistëve.

Ai tha se përmes veprimeve politike është tentuar që të sabotohet puna e Komunës dhe të dëmtohet imazhi i tij si kryetar.

“Kanë dashtë për përfitime të tyne me lënë me gjithë bërllok gjithë kryeqytetin, por ne sot e kurrë s’do e lejojmë. Për çështje puro-politike e sabotojnë punën dhe me qit keq kryetarin dhe kryeqytetin.”

Rama u zotua se Komuna nuk do të bie më pre e asnjë lloj shantazhi dhe se të gjitha procedurat ligjore për zgjidhjen e problemit janë në vijim.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!