Kryeministri shqiptar, Edi Rama ka ulur tonet në raport me shtetin e Greqisë, duke thënë se deklaratat e tij ndaj çështjes Çame nuk kanë pasur qëllim të fyejnë shtetin fiqnj.

Në intervistën e dhënë për televizionin grek “Skai”, ai ka përdorur argumenta miqësorë kur është pyetur në lidhje me postimin e bërë në llogarinë e tij në Facebook të Akropolit me xhami, të shoqëruar me postimin, sipas të cilit në Athinë është folur shqip.

Skai ka transmetuar një fragment të intervistës ku flitet për këtë çështje, për të cilën Rama është përgjigjur.

“Nuk doja të fyeja askënd, doja të tregoja se sa afër janë dy popujt, grekët dhe shqiptarët”, duke përdorur kështu gjuhë të ndryshme nga sa ka përdorur në Shqipëri në lidhje me këtë çështje, shkruan Lapsi.