Kryetari i Aleancës për Ardhmërinë e Kosovës, Ramush Haradinaj, ka uruar të gjithë besimtarët myslimanë me rastin e festës së Kurban Bajramit, duke theksuar rëndësinë e solidaritetit dhe bashkëjetesës mes shqiptarëve.
Përmes një postimi në rrjetin social Facebook, Haradinaj ka rikujtuar se vlerat e mirëkuptimit dhe festimit të përbashkët të festave fetare kanë qenë gjithmonë pjesë e traditës shqiptare.
“Te shqiptarët gjithmonë ka mbizotëruar ndjenja e solidaritetit dhe harmonisë me njëri-tjetrin, dhe gjithmonë i kemi festuar bashkë festat fetare,” ka shkruar ai.
Haradinaj ka përcjellë urimet e tij të përzemërta për Bashkësinë Islame të Kosovës, për myftiun Naim Tërnava, si dhe për të gjithë shqiptarët myslimanë kudo që jetojnë.
“Uroj që gëzimi dhe begatia të mbizotërojnë në familjen e gjithsecilit”, tha Haradinaj.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
