Kryetari i Kuvendit të Kosovës, Kadri Veseli, ka pritur sot në takim kryeministrin e Shqipërisë, Edi Rama, me të cilin kanë diskutuar për bashkëpunimin mes dy vendeve.

Veseli e Rama kanë vlerësuar lartë marrëdhëniet në mes dy vendeve dhe kanë konsideruar se ky bashkëpunim shërben si model për vendet tjera.

Që të dy shtruan nevojën e një bashkëpunimi më të thellë si dhe në kapërcimin e sfidave të përbashkëta në rrugën e integrimeve euro-atlantike.

Kryetari Veseli falënderoi Ramën, për mbështetjen e pakursyer të politikës shqiptare dhe në veçanti të qeverisë së drejtuar nga ai, ndaj Kosovës, si në arenën ndërkombëtare, si dhe në ofrimin e përvojave për konsolidimin e institucioneve shtetërore dhe procesin e integrimit evropian, thuhet në një komunikatë për media dërguar nga zyra e Veselit.

Në këtë takim u shkëmbyen informacione dhe ide për zhvillimet e përgjithshme politike e ekonomike në Shqipëri e Kosovë.

Po ashtu, kryeministri Rama uroi kryetarin Veseli për përmbylljen e suksesshme të procesit të zgjedhjes së presidentit të ri të Republikës së Kosovës nga ana e Kuvendit, duke e konsideruar ditën e sotme si historike.

Kyeministri i Shqipërisë, Edi Rama, po qëndron në Kosovë dhe pak më parë ka takuar edhe homologon e tij në Kosovë, Isa Mustafa./Insajderi.com

IN Promo Marketing

KESCO prezanton oferta të reja për bizneset në tregun e hapur

Numërimi i ditëve ka filluar – më 3 Tetor zbulohet fituesi i madh

Meridian Express për ditëlindjen e 13-të, dhuron 10,000 € për kampanjën “Biblioteka e Fëmijëve në Pallatin e Rinisë”