Luka Mishetiq, avokati kryesor i ish-presidentit të Kosovës, Hashim Thaçit, ka reaguar lidhur me raportimet se krerët e Specialës mbajtën takime të fshehta me diplomatë.

Lidhur me raportimin e Nacionales, Mishetiq ka thënë se Ligji për Dhomat e Specializuara, i miratuar në Kuvendin e Kosovës, nuk kërkon që Dhomat e Specizliaura t’i raportojnë vendeve të tjera “e aq më pak ta bëjnë këtë në fshehtësi”, shkruan Insajderi.

“…presidenti dhe kryeprokurori i Dhomave të Specializuara (DhSK) së fundi u takuan në fshehtësi me diplomatët e vendeve donatore për t’u raportuar atyre, si dhe diskutuan rreth komenteve të Ligjit për Dhomat e Specializuara , i miratuar nga parlamenti i Kosovës, që nuk e autorizon DhSK-në që të raportojë në vendet e tjera, e aq më pak ta bëjë këtë në fshehtësi. Fatkeqësisht, Ligji nuk kërkon që DSK-ja të raportojë në asnjë institucion në Kosovë, gjë që shkel normat e Këshillit të Evropës”, ka thënë ndër të tjera Mishetiq.

Avokati i Thaçit ka kërkuar që Këshilli i Evropes të reagojë për këtë. Ai ka thënë se Dhomat e Specializuara s’po i përgjigjen shoqërisë kosovare.

“Megjithatë, DhSK-ja nuk i përgjigjet “fuqive të shtetit” të Kosovës dhe as DhSK-ja për punën e saj nuk i përgjigjet shoqërisë kosovare. Në vend të kësaj, ai jep llogari në takimet e fshehta me vendet donatore që nuk janë transparente, jo të hapura për publikun e Kosovës dhe që mbahen pa autorizim me ligjin e Kosovës. Është ironike që DhSK-ja, një institucion i krijuar si rezultat i një raporti të Këshillit të Evropës (Raporti Marty), shkel normat e Këshillit të Evropës në mungesën e llogaridhënies ndaj institucioneve të Kosovës apo shoqërisë kosovare”, ka deklaruar më tej ai. /Insajderi.org/

🧵1/The Kosovo Specialist Chambers ("KSC") @SpecialChambers is an institution of the Republic of Kosovo that does not publicly account to anyone or any institution for its work, arguably in violation of the norms of the Council of Europe (see below). Nacionale yesterday reported

— Luka Misetic (@MiseticLaw) December 17, 2024