Pas akuzave të rënda të ngritura nga një grua ndaj gjinekologes Dardane Ukella Lleshi, lidhur me humbjen e foshnjës në muajin e dhjetë të shtatzënisë, Qendra Klinike Universitare e Kosovës (QKUK) dhe Prokuroria Themelore në Prishtinë kanë konfirmuar se rasti tashmë është në duart e organeve të hetuesisë.

Në një përgjigje për Insajderin, drejtori i Gjinekologjisë, Zef Ndrejaj në QKUK ka deklaruar:

“Rasti i përmendur nga gazetarja Hoti është tashmë në fazën e hetimeve dhe me të po merret Prokuroria. Ne nuk kemi as mundësi dhe as të drejtë të ndërhyjmë në punën e hetuesisë dhe të Prokurorisë”.

Ndërsa nga Prokuroria Themelore në Prishtinë, për Insajderin kanë thënë:

“Lidhur me pyetjen tuaj ju njoftojmë, se ende nuk është pranuar Raporti i Autopsisë për çështjen në fjalë. Për çdo zhvillim të ri ju njoftojmë me kohë”.

Gruaja, emri i së cilës është i njohur për redaksinë, tregon se ëndrra për t’u bërë nënë i mbeti në gjysmë pas humbjes së foshnjës. Ajo e akuzon gjinekologen për neglizhencë, duke pohuar se pas disa kontrolleve në ordinancën private, gjinekologia e kishte udhëzuar të paraqitej në QKUK por në momentin më kritik, sipas saj, nuk iu përgjigj thirrjeve telefonike, shkruan Insajderi.

E kontaktuar nga Insajderi, gjinekologia Ukella ka refuzuar çdo përgjegjësi dhe është shprehur:

“Nuk e ndjej veten fajtore për humbjen e foshnjës”.

Për versionet e plota të palëve, ndiqni storien e plotë në vijim:

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!