Albulena Haxhiu, ministre e Drejtësisë në Kosovë thotë se Lilana Stevanoviq, cenoi integritetin e sistemit gjyqësor në vendin tonë, derisa presidenti serb Aleksandar Vuçiq dhe ministri serb i mbrojtjes Aleksandar Vulin, thanë se me shkarkimin e kryetares së Gjykatës Themelore në Mitrovicë sot u bë hapi i parë i përfshirjes së Serbisë në luftë me Kosovën.

Ministrja e Drejtësisë Albulena Haxhiu ka reaguar pas vendimit të Këshillit Gjyqësor të Kosovës për suspendimin e kryetares së Gjykatës Themelore në Mitrovicë Lilana Stevanoviq. Nëpërmjet një shkrimi në llogarinë e saj në Facebook, Haxhiu thotë se veprimi i  Stevanoviq “është shkelje dhe cenon integritetin e sistemit gjyqësor”.

Suspendimi i Stevanoviqit vjen pasi ajo kishte marrë pjesë në një takim në Beograd me presidentin e Serbisë, Aleksandar Vuçiq, ku ishin të pranishëm edhe përfaqësues të tjerë të serbëve të Kosovës.

“Kryetarja dhe gjyqtarët e Gjykatës Themelore në Mitrovicë e kanë për obligim të veprojnë vetëm në përputhje ne Kushtetutën e Republikës së Kosovës dhe legjislacionin në fuqi dhe jo të tallen me institucionet. Çfarëdo veprimi sikur ai në takim me Vuqiq është shkelje dhe cenon integritetin e sistemit gjyqësor”, tha Haxhiu.

“Vendimi i Këshillit Gjyqësor të Kosovës për suspendimin e kryetares së Gjykatës Themelore në Mitrovicë është i drejtë dhe në përputhje me ligjin për përgjegjësitë disiplinore të gjyqtarëve dhe prokurorëve prandaj edhe si të tillë e ka mbështetjen tonë”, shtoi ajo.

Veprimi i tillë nga ana e institucioneve të Kosovës ka ngjall reagime në Beograd.

IN Promo Marketing

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur

Numërimi i ditëve ka filluar – më 3 Tetor zbulohet fituesi i madh