Spitalit maqedonas Zhan Mitrev i ka plasur një skandal i madh që doli në shesh këto ditë pas një hulumtimi të kryer nga  gazetarë maqedonas. Sipas gjetjeve, klinika Zhan Mitrev ka aplikuar metodën e filtrimit të gjakur për pacientët me Covid 19 e të cilët si pasojë shpesh janë infektuar me bakterie të ndryshme e më pasë kanë gjetur vdekjen.

Organizata “Investigative Reporting Lab Macedonia” në hulumtimin 60 minutash në formë dokumentari ka shpalosur se për metodën e hemofiltrimit,  “Zhan Mitrev” ka pasur disa lloje ofertash nga 3 mijë, 4 mijë apo 5 mijë euro, për pacientët. Në reagim thuhet se “kualifikimet e pavërteta të publikuara në media këto ditë kanë si synim dëmtimin e qëllimshëm të nderit dhe reputacionit të Spitalit klinik dhe nuk përputhen aspak me të vërtetën”, por nuk mohohet asgjë në mënyrë specifike rreth gjetjeve te IRLB.

Më poshtë reagimi i plotë i spitalit.

Duke pasur parasysh se këto ditë në media janë publikuar informacione të rreme dhe fyese lidhur me punën e Spitalit klinik Zhan Mitrev dhe Akademik Dr. Zhan Mitrev, dëshirojmë të informojmë publikun, mediumet dhe të gjithë pacientët tanë si mëposhtë:
Spitali klinik Zhan Mitrev prej 22 vitesh punon me sukses në dobi të qytetarëve, duke u ofruar atyre shërbime të certifikuara sipas standardeve botërore, kujdes profesional që synon përmirësimin e shëndetit, gjë që është dëshmuar në raste të panumërta të suksesshme. Kjo qasje vazhdoi të zbatohej edhe gjatë pandemisë botërore të shkaktuar nga virusi COVID-19, gjatë së cilës klinika, me shumë mund dhe vullnet të pamasë nga punonjësit e saj, kontribuoi në shpëtimin e një numri të madh jetësh.

Jemi vërtet të tmerruar nga gjuha e urrejtjes tendencioze e përdorur kundër institucionit tonë, si dhe nga akuzat e pasakta, nga informacionet e fabrikuara që synojnë vetëm krijimin e një imazhi të rremë në publikun e gjerë për punën e Spitalit klinik Zhan Mitrev. Është e qartë se ky informacion i rremë është krijuar me qëllim për të deformuar faktet në lidhje me punën e suksesshme afatgjatë të Spitalit klinik Zhan Mitrev, ku punojnë më shumë se 400 ekspertë dhe profesionistë nën drejtimin e doktor Zhan Mitrev.

Kualifikimet e pavërteta të publikuara në media këto ditë kanë si synim dëmtimin e qëllimshëm të nderit dhe reputacionit të Spitalit klinik dhe nuk përputhen aspak me të vërtetën. Ato janë gjithashtu shqetësuese për pacientët tanë dhe të afërmit e tyre, të gjithë ekipin tonë që kanë punuar me përkushtim dhe ndershmëri gjatë gjithë këtyre viteve. Si institucion, ne praktikojmë ekskluzivisht mjekësinë e bazuar në dëshmi. Që nga fillimi, por edhe në të ardhmen, kemi qenë dhe do të mbetemi profesionistë në kryerjen e aktivitetit tonë dhe do të vazhdojmë të ndihmojmë me kujdes dhe me profesionalizëm pacientët tanë që të përmirësojnë plotësisht shëndetin e tyre.

Hapat tanë të ardhshëm do të jenë në drejtim të përdorimit të të gjitha mundësive ligjore në përputhje me ligjet, me qëllim parandalimin e këtyre dhe të gjitha sulmeve të tilla e të ngjashme të pabaza ndaj institucionit tonë.

IN Promo Marketing

 Eksperienca e blerjeve online arrin në Slloveni!

Rezervo sot dhe shijo fluturimet më të volitshme nga Gjeneva drejt Prishtinës

Furnizohu sot, dhuro shpresë nesër