Botërori i Klubeve do të vazhdojë sonte me ndeshjet e së tetës së finales.

Dhe, sonte na pret një sfidë gjigantësh në këtë fazë.

Real Madridi dhe Juventusi do ta kërkojnë një vend në çerekfinale të këtij evenimenti në duelin kryesor të këtij rrethi eliminues.

Mbrëmë ndodhën dy befasi pasi u eliminua nënkampioni evropian, Interi dhe gjiganti anglez, Manchester City.

“Los Blancos” do të buzëqeshin para kësaj loje pasi do t’ju kthehet në dispozicion ylli i tyre, Kylian Mbappe, i cili mungoi në tri ndeshjet e fazës së grupeve ndaj Pachuca, Salzburg e Al Hilal.

Gjithashtu, do të kthehen edhe Antonio Rudiger e Endrick, derisa jashtë shkaku i lëndimeve mbesin Dani Carvajal, Eduardo Camavinga e Ferland Mendy.

Nga ana tjetër, gjiganti italian mund të llogarisë në të rikthyerin Manuel Locatelli.

Përndryshe, “Bianconeri” janë të kompletuar për sfidën me “Los Blancos”.

Dy ekipet e patën një sezon dëshpërues, pa fituar trofe të rëndësishëm, prandaj synim i tyre është që në fund ta ngritin lart trofeun e Botërorit të Klubeve.

Përballja mes Real Madridit dhe Juventusit do të luhet sonte duke filluar nga ora 21:00.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!