Real Madrid është kampion i ri i Evropës. Golin e parë e shënoi Ramos në minutën e 15.

Real fitoi vetëbesim dhe zhvilloi një pjesë të parë të bukur por pa arritur të shënoi. Me fillim në pjesën e dytë, Torres pengohet nga Pepe në 16-metërsh dhe fiton penalti, përgjegjësinë e mori Griezmann i cili gaboi duke goditur shtyllën.

Ishte minuta e 79 kur pas një momenti të vështirë nëpër të cilin kaloi Atletico, së pari humbi rast para portierit Ronaldo, e më pas edhe Bale, ku dhe filloi kundërsulmi i shpejt i golit të Carrasco-s pas pasimit të Juanfran.

Koha e rregullt kaloi, filluan vazhdimet dhe loja e zhvilluar nga të dy skuadrat ishte e zbehur edhe pse në minutën e fundit Real humbi rast mjaft të mirë për ta fituar trofeun e 11-të të Ligës së Kampionëve.

Në gjuajtjen e penaltive, skuadra e Real Madrid ishte më e mirë duke shënuar të gjitha, penaltinë e fundit për Atletico Madrid-in e humbi Juanfran, ishte radha e Ronaldo-s i cili nuk gaboi dhe i dhuroi trofeun e 11-të skuadrës së tij

Ky është trofeu i 11-të i Real Madrid në Ligën e Kampionëve dhe i pari i Zidane-s si trajner që në sezonin e tij të parë te klubi madrilen./Insajderi.com